Hindistan Hərbi Hava Qüvvələri 250 km-dən çox məsafədəki hədəfləri vura bilən İsrail istehsalı olan havadan buraxılan ballistik raketi uğurla sınaqdan keçirib.

Adalet.az xəbər verir ki, bu barədə ANİ məlumat yayıb.

“Crystal Maze 2” (Kristal Meyz) kimi tanınan raketin sınaq buraxılışı Hindistanın ittifaq ərazilərindən - Andaman və Nikobar adalarından həyata keçirilib. Raket Su-30MKI qırıcısından buraxılıb və hədəfinə çatıb.

Agentlik qeyd edib ki, hazırda respublikanın Hərbi Hava Qüvvələri “Make in India” proqramı çərçivəsində böyük miqdarda İsrail raketlərini almağı planlaşdırır.