Husilərin Əbha, Xamis Muşayt, Cazan və Nəcran şəhərlərində mülki və ticarət obyektlərinə son hücumları nəticəsində 73 nəfər yaralanıb və bu hücumlar Səudiyyə Ərəbistanının suverenliyini açıq şəkildə pozub və onun təhlükəsizliyini təhdid edib.

Adalet.az xəbər verir ki, bunu Ərəb Koalisiyasının sözçüsü briqada generalı Turki əl-Maliki deyib. 

Maliki, "terrorçu Husi milisləri" tərəfindən heç bir əsas olmadan həyata keçirilən bu hücumların Səudiyyə Ərəbistanının iqtisadi potensialına zərər vurmaq məqsədi daşıdığını bildirib və əlavə edib ki, Ərəb Koalisiyası qüvvələri bu Husi hücumlarını neytrallaşdırmaq və bu aqressiv davranışa qətiyyətlə qarşı çıxmaq üçün bütün lazımi "əməliyyat" tədbirlərini görəcək.

İranın dəstəklədiyi Husi üsyançıları 2014-cü ilin sentyabr ayından bəri paytaxt Səna da daxil olmaqla Yəmənin bir hissəsini nəzarətdə saxlayır. Səudiyyə Ərəbistanının rəhbərlik etdiyi koalisiya 2015-ci ilin mart ayından bəri Yəmən hökumətini dəstəkləyir.