Rövnəq Abdullayevin oğlu Rəşadın  oğurlanmış 1,3 milyon dollarlıq saatı altı ildən sonra yenə gündəmə gəlib. İndi də vəkil deyir ki, saat onun deyilmiş, dostunun imiş, fors eləmək üçün alıb taxıbmış. 

Saatın qiyməti 1,3 milyon dollar. Məni saatın kimin olması və oğurlanması o qədər də maraqlandırmır. Yadıma bir Hollivud filmindəki epizod düşdü. 

Polis bir şübhəlini qoruyur. Şübhəli əzilmiş şalvarını polisə göstərib deyir:

- Bunu altı yüz dollara almışam.

Polis təəccüblə soruşur:

- İçində televizor var?

İndi 1,3 milyon dollarlıq saatın içində televizor var? Yəni doğrudanmı bu qiymətə saat var?

Yeri gəlmişkən, saatın qiyməti saat taxılan biləkdədir. Görən, o biləyin qiyməti neçəyədir?