İlham Əliyev: “Ermənistan Azərbaycanı lazımınca qiymətləndirmədi və bunun əvəzini ödədi”

“Ermənistan Azərbaycanı və Azərbaycan xalqının iradəsini lazımınca qiymətləndirmədi və bunun əvəzini ödədi”.
Adalet.az xəbər verir ki, bunu Azərbaycan Prezidenti İlham Əliyev Ağdamda “Dayanıqlı İnkişaf Məqsədləri” və “Yeni Şəhər Gündəliyi” – postmünaqişə dövründə bərpa və yenidənqurmanın aparıcı qüvvəsi kimi” mövzusunda Azərbaycan Milli Şəhərsalma Forumunun açılış mərasimində deyib.
“Biz sülh prosesinə müəyyən nikbinliklə yanaşırıq. Bir neçə gün əvvəl Azərbaycan və Ermənistan xarici işlər nazirlərinin sülh müqaviləsinin mətninin hazırlanması ilə bağlı ilk görüşü baş tutdu. Ümid edirik ki, bu proses çox uzun çəkməyəcək. Biz Ermənistanın danışıqlar aparmaq istəmədiyi zaman istifadə etdiyi taktikanı bilirik. Məsələn, Qarabağ münaqişəsi ilə bağlı 28 il davam edən danışıqlarda da belə olmuşdu. Əgər vəziyyət belə davam edərsə, sülh əldə olunmayacaq. Əgər Ermənistan belə seçim edirsə, deməli, növbəti ciddi səhvə yol verir. Onlar bizi, bizim iradəmizi, Azərbaycan xalqının potensialını lazımınca qiymətləndirmədilər və bunun əvəzini ödədilər”, - dövlət başçısı bildirib.
Prezident vurğulayıb ki, Azərbaycan da öz növbəsində Ermənistan ilə münasibətləri normallaşdırmaq və “yeni sülh səhifəsi” açmaq üçün addımlar atmağa hazırdır:
Digər Xəbərlər

"Türkiyə vətəndaşlarına qarşı Ermənistanın etnik nifrəti ciddi təhdid mənbəyidir" - XİN

"Azərbaycan-Çin tərəfdaşlığı gündən-günə yeni məzmunla zənginləşir" - İlham Əliyev

İlham Əliyev Si Cinpini təbrik etdi

Xələf Xələfov İran səfiri ilə Qarabağı müzakirə etdi

BMT rəsmiləri bu tarixdə Qarabağa gələcək

Spiker Konfransda Qarabağ ermənilərinin reinteqrasiyası barədə məlumat verdi

"Ermənistan hökuməti bunu düzgün təhlil etsə, sülh əlçatandır" - Prezident
