"İlk işimiz Milli Bankı ləğv etməkdir, iqtisadiyyatımız avroya keçməlidir" - Saakaşvili

"Gürcüstanda vəziyyət dəyişəndə ilk işimiz Milli Bankı ləğv etməkdir, Gürcüstan iqtisadiyyatı avroya keçməlidir".
Adalet.az xəbər verir ki, bunu Gürcüstanın üçüncü prezidenti Mixeil Saakaşvili məhkəmə prosesində uzaqdan iştirak edərkən deyib.
Onun sözlərinə görə, Gürcüstan vahid vergi ölkəsi olmalıdır.
“Bu, çox sadə bir vəziyyətdir. Gürcüstanda vəziyyət dəyişəndə ilk işimiz Milli Bankı ləğv etmək, bağlamaqdır, çünki Milli Bank manipulyasiyalar üçün istifadə olunur. Bu tez edilməlidir. Praktiki olaraq İvanişvili böyük banklardan birinə sahibdir və eyni zamanda Milli Banka da nəzarət edir. İstənilən vaxt məzənnəni qaldırıb aşağı sala və ondan pul qazana bilər. Əvəzində inflyasiya tamamilə gözlənilməzdir, insanlar öz gəlir və xərclərini planlaşdıra bilmirlər. Artıq heç kimə heç nə yetmir və biz buna birdəfəlik son verməliyik. Gürcüstan iqtisadiyyatı avroya keçməlidir. Gürcüstana Milli Bank lazım deyil, Gürcüstana emissiya lazım deyil. Avropaya girsək, avro olmalıdır, xüsusən də gürcülərin əsas gəliri Avropadan gəlir. İkinci - Gürcüstan vahid vergi ölkəsi olmalıdır. Gürcüstana bu çoxqatlı vergi lazım deyil, çünki o, həm də korrupsiya mənbəyidir”, - Saakaşvili bildirib.
Digər Xəbərlər

Mixail Qusmana UNESKO-da vəzifə verildi

İstanbul boğazında gəmilərin hərəkəti dayandırıldı

Putin: Demoqrafik problem təkcə müavinətlərlə həll edilmir!

Ukrayna Silahlı Qüvvələrinin zəhərlədiyi məhsullar səbəbindən 15 nəfər ölüb

"Öldürdükləri insanların orqanlarını da oğurlayırlar" - Qəzzada dəhşətli görüntü

Bayraktar TB2 PUA-sı ilə 3 min terror hücumunun qarşısı alınıb

Ərdoğan BMT Baş katibi ilə müzakirə apardı
