İranın Sistan və Bəlucistan vilayətində SEPAH qüvvələri ilə silahlı qrup arasında toqquşma baş verib.

Adalet.az apa-ya istinadən xəbər verir ki, hadisə Saravan şəhərində qeydə alınıb.

SEPAH-ın açıqlamasında bildirilib ki, qüvvələr terror aktı hazırlığında olan silahlı qrupla qarşılaşıb. Əməliyyat zamanı qrupun 4 üzvünün öldürüldüyü qeyd olunub.

Məlumata görə, günorta saatlarına qədər davam edən əməliyyat nəticəsində SEPAH-ın 3 əməkdaşı da həyatını itirib.

Əməliyyat zamanı qrupun gizləndiyi ərazidən silah, sursat və partlayıcı maddələr aşkarlanaraq götürülüb.

SEPAH bildirib ki, ölən silahlı qrup üzvlərinin sayının artacağı istisna edilmir.