Türkiyə xarici işlər naziri Hakan Fidan Azərbaycanla Ermənistan arasında sülhün təmini ilə bağlı açıqlama verib: “Cənubi Qafqaz bölgəsində sülh üçün bir ümid işığı var. Azərbaycanla Ermənistan arasında sülhün təmin edilməsinin son mərhələsindəyik .Ölkəmiz ikitərəfli danışıqları dəstəkləyir.
Amma görünən odur ki, rəsmi İrəvan hələ də öz bildiyini oxumaqdadır. Onun nə Azərbaycanla sülh yaratmağa həvəsi var, nə də Türkiyəyə qarşı “soyqırım” iftiralarından əl çəkəcək gözü”
Adalet.az xəbər verir ki, bu gün İrəvanda “Soyqırım və digər cinayətlərə qarşı beynəlxalq erkən xəbərdarlıq və erkən reaksiya mexanizmlərinin effektivliyinin gücləndirilməsi” adı altında “Soyqırıma Qarşı”5-ci Qlobal Forum işə başlayıb. Forumda beynəlxalq hüquqda insanlığa qarşı cinayətlərin qarşısının alınması tədbirlərinin işlənib hazırlanması, soyqırımların nəticələrinin aradan qaldırılması, məsuliyyət məsələləri müzakirə olunacaq.
Tədbirin ilkin hissəsində xarici işlər naziri Ararat Mirzoyan çıxış edib.

P.S.Ən pisi isə odur ki, tədbirdə  Əlcəzair və Ruandada  soyqırım əməlləri törədən Fransa, Amerikada  yerli hindu tayfalarını soyqırım edərək axırına çıxmış ABŞ,  İkinci Dünya Müharibəsinin baiskarı Almaniya  və bir gecədə Xocalıda 613 nəfər azərbaycanlını  milli, etnik, irqi və  dini baxımdan məhv edən Ermənistan əsas çıxışçı olacaq.

 Əntiqə Rəşid