Açılış mərasimindən sonra Konstitusiyanın xüsusi nüsxəsi muzeydə yerləşdiriləcək və bundan sonra yalnız andiçmə mərasimində istifadə olunacaq.

Gürcüstanın yeni - altıncı prezidenti Mixail Kavelaşvilinin andiçmə mərasimi dekabrın 29-da saat 11:00-da başlayacaq.

Adalet.az xəbər verir ki, mərasim təxminən 40 dəqiqə davam edəcək və Mixail Kavelaşvilinin Gürcüstan Konstitusiyasının xüsusi nüsxəsi üzərində and içəcək.

Bu barədə parlamentin sədri Şalva Papuaşvili deyib.

Kavelaşvili dekabrın 14-də Gürcüstanın prezidenti seçilib. Prezident seçkiləri Amerika modeli üzrə keçirilib - o, Seçicilər Kollegiyasından 300 səsdən 224 səs toplayıb. Müxalifət seçkilərdə iştirak etməyib.

“Ənənəyə görə, parlamentli respublikada inauqurasiya prosesi parlament binasında keçirilir, xüsusən də bu tədbir üçün biz ilk dəfə olaraq bu tədbirdə prezident andı içmək üçün istifadə olunacaq Konstitusiyanı çap etmişik”, - Papuaşvili bildirib.

Onun sözlərinə görə, andiçmə mərasimindən sonra Konstitusiyanın xüsusi nüsxəsi muzeydə yerləşdiriləcək və bundan sonra yalnız andiçmə mərasimində istifadə olunacaq.