Sən də sevəcəksən məni gizlicə,

mən də bu sevgiylə alışacağam.

Ağlımın əlində əsir eşqimdən

hicrana,həsrətə danışacağam.

Gözlərinə baxacağam, gözlərimi görəcəksən.

Fəqət hər an gözümüzdə

yaşayacaq acı hicran.

Əllərinin həsrəti də qalacaqdır əllərimdə.

Saymazyana duracağıq elə biz,

bir vuracaq ürəyimiz.

Tənhalığı duyacayıq

döyündükcə ürəyimiz.

Sənə bəlli,mənə bəlli

heç kəsinsə bilmədiyi

bir ayrılıq illər boyu yaşayacaq ürəyimizdə.

sənə bəlli,mənə bəlli heç kəsinsə görmədiyi

bir tənhalıq üşüyəcək gözlərimizdə.

Qəlbimizi susduraraq,

özümüzü gözümüzdə gizlədərək

görüşməli olacağıq hərdən ancaq.

dağ həsrətli anlarımız

saçımızda dən olacaq.

Ömrümüzdən varaq-varaq

düşən günü saymayaraq

nisgil dolu hər bir anı

qəlbimizə yığacağıq qalaq-qalaq.

İki ürək bir sevgiyəiki sahil olacaq.

Bu sahildən o sahilə hicran körpü salacaq.

Bir həsrəti böləcəyik ikimiz-

biri səndə,biri məndə qalacaq.

yana-yana donacayıq,