Xəbər verdiyimiz kimi, bütün erməni mediası hazırda Azərbaycan sərhədçilərinin artıq Tavuşun Kirants kəndində yerləşən dövlətlərarası yolun ərazisinə gəldiyini yazır.
Kirants sakini Qohar Vardanyan öz sosial şəbəkə hesabında yazmışdı ki, biz düşmən hərbçilərini lap evin içindən belə görürük. Amma bizim hərbçilərimiz görünmür. Bizi sərhəddə quraşdırılmış kameradan başqa heç kim qorumur.

Hazırda Azərbaycanla Ermənistan arsında baş tutan delimitasiya və demarkasiya prosesinə uyğun olaraq 1990-cı ildə işğal olunmuş Azərbaycan əraziləri geri qaytarılıb. Əraziyə Kirants körpüsü , orta məktəbin yaxın əraziləri, kəndin otlaq yerləri hazırda öz sahiblərinə verilib. Bu isə erməniləri özündən çıxardıb. Odur ki, kənd əhlinin böyük bir hissəsi İrəvana gəlib və Hökumət binası yaxınlığında etiraz aksiyasına başlayıblar.

Əntiqə Rəşid