adalet.az header logo
  • Bakı 19°C
  • USD 1.7
19 Sentyabr 2022 12:19
469
MƏMLƏKƏT

Köhnə avtobuslar xətdən çıxarılmalıdır

Heç kimə sirr deyil ki, bu gün Bakı şəhərində istismar müddətini başa çatdıran çoxlu sayda avtobuslar var və onlar da müəyyən marşrutlarda hərəkət edirlər. Məsələn, metronun «Neftçilər» stansiyasından Yeni Günəşli yaşayış sahəsinə hərəkət edən 50 nömrəli marşrutda işləyən avtobusların hamısı fiziki və mənəvi cəhətdən köhnəlib. Elə bir gün olmur ki, həmin avtobuslarda nasazlıq yaranmasın və sərnişinlər əziyyət çəkməsinlər. Qışda soyuqdan, yayda isə istidən zülm çəkirlər. Və bəzən də avtobusun qapısı açılmır, çox çətinliklə sürücü qapını açıb camaatı düşürür.

Ümumiyyətlə, Bakı Nəqliyyat Agentliyi 50 nömrəli marşrutun daşıyıcı şirkəti ilə bu məsələni müzakirə etməli və həlli yolunu tapmalıdır. Ya marşrut xətti daşıyıcı şirkətdən alınıb başqa şirkətə verilməli, ya da həmin şirkət marşruta yeni avtobuslar buraxmalıdır.

Emin FAİQOĞLU