adalet.az header logo
  • Bakı 26°C
21 Iyun 2022 11:52
292
MƏMLƏKƏT

Kombaynlar hardadır?

Arpa və taxıl biçini başlayanda birinci yada düşən kombaynlar olur. Ölkəmizdə də kifayət qədər kombaynlar var. Amma biçin vaxtı görürsən ki, kombayn çatışmazlığı yaranır. İmkanlı və varlı adamların min hektarlarla taxıl sahəsi tez bir zamanda biçilir, ancaq kasıb və bir o qədər də maddi durumu yaxşı olmayan insanların əkdiyi bir-iki hektar sahə biçilmir. Və həmin adam da durub gözləyir ki, ona növbə nə vaxt gələcək.

Çünki taxıl biçini elə bir şeydir ki, bir-iki gün ləngiyəndə nə qədər itki yaranır. Belə ki, havanın kəskin dəyişməsi, leysan yağışın və dolunun düşməsi taxılın yarısının məhv olması deməkdir. Ona görə də heç olmasa bu mövsüm bir-iki hektar taxıl sahəsi olan minlərlə insanın da taxıl sahələrini vaxtında biçmək lazımdır. Ki, onlar da sevinsinlər.

 

Emil FAİQOĞLU