Türkiyə Prezidenti və AK Partiya sədri Rəcəb Tayyib Ərdoğan partiyasının TBMM Qrup Toplantısında çıxış edib. 

Adalet.az xəbər verir ki, Ərdoğan Livan və İsrail arasında atəşkəs razılaşmasını dəyərləndirib.

Razılaşmadan məmnun olduqlarını bildirən Ərdoğan Qəzzada atəşkəs üçün hər cür töhfə verməyə hazır olduqlarını bildirib:

"Biz İsrail və Livan arasında bu səhər qüvvəyə minən atəşkəs razılaşmasından məmnunuq. Başda İsrail olmaqla bütün tərəflərin meydanda sakitliyin qorunması baxımından üzərlərinə düşən öhdəlikləri yerinə yetirmələrini gözləyirik".