Əvvəl xatırladaq ki, ABŞ ilə Ermənistan arasında uzun müddət müzakirə mövzusu olan Strateji tərəfdaşlıq xartiyası 15 yanvarda - Cozef Bayden administrasiyasının səlahiyyətlərinin bitməsinə 5 gün qalmış - Vaşinqtonda ABŞ dövlət katibi Entoni Blinken və Ermənistan xarici işlər naziri Ararat Mirzoyan arasında imzalandı.

Ermənistan Baş naziri Nikol Paşinyan, Avropa Komissiyasının Prezidenti Ursula fon der Lyayen və ABŞ dövlət katibi Entoni Blinken arasında 5 yanvar 2024-cü ildə Brüsseldə baş tutan görüşdə bu razılaşma gündəmə gəlmiş, ABŞ-Ermənistan təmaslar intensivləşməyə başlamışdı.
Ermənistanda və bir sıra qonşu dövlətlərdə Tramp administrasiyasının bu müqaviləyə isti baxmayacağı ilə bağlı fikirlər müzakirə olunurdu.

Adalet.az xəbər verir ki, Ermənistanın ABŞ-dakı səfiri Lilit Makunts məsələ ilə bağlı fikir bildirib . O X. səhifəsində qeyd edib ki, Pentaqonda müzakirələr aparıb:“Pentaqonda məlum məsələ ilə bağlı əla bir irəliləyiş var. Biz Ermənistan-ABŞ strateji tərəfdaşlığı və Cənubi Qafqaz regionunda sülh prosesi haqqında danışdıq.
Ermənistan ABŞ Müdafiə Nazirliyi ilə əməkdaşlığı yüksək qiymətləndirir və tərəfdaşlığımızı davam etdirməyi səbirsizliklə gözləyir" .

 Əntiqə Rəşid