İspaniyanın "Real Madrid" komandasının futbolçusu Kilian Mbappe UEFA Çempionlar Liqasında 69-cu qolunu vurub.

Adalet.az xəbər verir ki, fransalı hücumçu buna turnirin 1/4 final mərhələsində Almaniya “Bavariya”sı ilə keçirilən ilk oyunda nail olub. Görüşün 74-cü dəqiqəsində fərqlənən 27 yaşlı oyunçu “kral klubu”nun əfsanələrindən sayılan Raul Qonsalesə yaxınlaşıb. İspaniyalı veteran oyunçunun aktivində 71 qol var.

Siyahıya 141 qolla Portuqaliya yığmasının və Səudiyyə Ərəbistanının “Əl-Nəsr” klubunun futbolçusu Kriştianu Ronaldu başçılıq edir. ABŞ təmsilçisi “İnter Mayami”də çıxış edən argentinalı forvard Lionel Messi (129 qol) ikinci, “Barselona”nın polşalı futbolçusu Robert Levandovski isə (109) üçüncü pillədə qərarlaşıb.