Ukraynadakı münaqişənin həllinin istənilən nəticəsi Rusiya Federasiyasının xeyrinə və döyüş meydanındakı vəziyyətə əsaslanmalıdır.

Adalet.az xəbər verir ki, bunu ölkə prezidenti Vladimir Putin “Rossiya 1” telekanalında yayımlanan “60 dəqiqə” proqramı üçün jurnalist Olqa Skabeyevaya müsahibəsində deyib.

"Ukrayna nizamlanmasının nəticəsi Rusiya Federasiyasının xeyrinə olmalıdır, açığı,bunu utanmadan deyirəm", - deyə dövlət başçısı bildirib.

O qeyd edib ki, Moskva Kiyevlə danışıqlarda güzəştə getmək niyyətində deyil. Buna baxmayaraq, Rusiya hakimiyyəti hərbi əməliyyatları dayandırmaq üçün ağlabatan kompromislər axtarmağa hazırdır, prezident aydınlaşdırıb.

"Ancaq indi mən təfərrüatlara varmaq istəmirəm, çünki substantiv danışıqlar yoxdur”, - deyə Putin əlavə edib və dialoqun olmamasında Ukrayna rəhbərliyini günahlandırıb.