Bu gün Azərbaycanın teatr, kino və dublyaj aktyoru, bədii qiraətçi, Azərbaycan SSR əməkdar artisti  Müxlis Cənizadənin xatirə günüdür.

O, 1928-ci ildə Bakıda anadan olub. Azərbaycan Dövlət Teatr Texnikumunda və Dövlət Teatr İnstitutunda Kazım Ziyanın kursunda  təhsil alıb. Azərbaycan Dövlət Akademik Dram Teatrında fəaliyyət göstərib. O aktyorluq sənəti ilə yanaşı, dublyaj sənətinin də sirlərinə yiyələnib.  Aktyor daha çox  bədii qiraət ustası, səhnə danışığı müəllimi, rejissor kimi də tanınıb. 

1961-ci ildən ömrünün sonunadək Dövlət Teatr İnstitutunda dərs deyib. Teatr İnstitutunun Tədris Teatrında “Təbilçi qız”, “Aydın”, “Qaraçılar”, “Üləmalar” və s. tamaşalara quruluş verib. 

Azərbaycan Radiosunun “Qızıl fond”unda və Dövlət Səsyazma Fondunda Müxlis Cənizadənin ifasında bədii qiraət nümunələri saxlanılır. 

Aktyor bir çox filmlərdə rol alsa da, o, daha çox  “Dəli Kür” filmində Kipiani obrazı ilə tanınıb.

Əməkdar artist  Müxlis Cənizadə 1972-ci il dekabrın 10-da  ağır xəstəlikdən vəfat edib.

Əntiqə