Bu ilin yanvar-iyun aylarında Azərbaycanın nəqliyyat dəhlizlərində daşınmış yüklərin həcmi 16 407,6 min ton, yük dövriyyəsi isə 6 633,5 milyon ton-km olub, ötən ilin eyni dövrü ilə müqayisədə müvafiq olaraq 0,2 % və 2,4 % artım müşahidə olunub.

Adalet.az bu barədə Dövlət Statistika Komitəsinə istinadən xəbər verir.

Məlumata görə, Şərq-Qərb nəqliyyat dəhlizi ilə daşınmış yüklərin həcmi 8 170 min ton, o cümlədən Avropa-Qafqaz-Asiya nəqliyyat dəhlizi ilə - 4 242,1 min ton, Şimal-Cənub nəqliyyat dəhlizi ilə - 4 807,7 min ton, Şimal-Qərb nəqliyyat dəhlizi ilə - 3 248,8 min ton, Cənub-Qərb nəqliyyat dəhlizi ilə daşınmış yüklərin həcmi isə 181,1 min ton təşkil edib. Yüklərin 7 506,7 min tonu və yaxud 45,8 %-i dəmir yolu nəqliyyatı, 5 004,4 min tonu və yaxud 30,5 %-i avtomobil nəqliyyatı, 3 896,5 min tonu və yaxud 23,7 %-i dəniz nəqliyyatı ilə daşınıb.

Nəqliyyat dəhlizləri vasitəsilə daşınmış yüklərin 59,2 %-ni və yaxud 9 707,6 min tonunu tranzit yüklər təşkil edib.