adalet.az header logo
  • Bakı 33°C
  • USD 1.7
04 Avqust 2022 15:53
190
DÜNYA

Oğruların "Ferrari"-si...

      Hər nə qədər müasirləşsək və sivil cəmiyyətlər olsaq da hər gün cinayətkarlığa qarşı mübarizə çox gərgin şəkildə davam edir. Bu mübarizə zamanı bəzən çox maraqlı və qəribə situasiyalarla rastlaşmaq olur. Beləki belə hadisələrdən biri Çexiyada baş verib.

     Çexiyada təhlükəsizlik qüvvələri tərəfindən cinayətkarlardan müsadirə edilən "Ferrari" avtomobilləri cinayətkarlıqla mübarizə məqsədilə hüquq-mühafizə orqanlarının ixtiyarına verilib.

    Xarici mediya xəbər verir ki, bununla bağlı Çexiyanın Baş Təhlükəsizlik İdarəsinin rəsmi sosial media hesabında paylaşım edilib.

   Bildirilib ki, cinayətkarlardan alınan "Ferrari" artıq polis maşınına çevrilib və təhlükəsizlik qüvvələrinin avtomobil parkındadır.

    Məlumatda vurğulanır ki, əvvəllər cinayətkarlara xidmətində olan idman avtomobili bundan sonra cinayətlə mübarizədə polis qüvvələrinin əməliyyat işinə töhfə verəcək.

   Bundan sonra "Ferrari" ilə avtomobil oğruları tutulacaq. Bu maşın xüsusilə qeyri-qanuni yarışların qarşısını almaq və avtomobil oğrularını tutmaq üçün istifadə olunacaq.





 

HAZIRLADI: BÜNYAMİN BÜNYADZADƏ