Ötən il əsas kapitala yönəldilən vəsaitin həcmi açıqlanıb

2021-ci ildə əsas kapitala 16 milyard 127,0 milyon manat məbləğində, yaxud 2020-ci il ilə müqayisədə 8,2 faiz az vəsait yönəldilib.
Dövlət Statistika Komitəsindən Adalet.az-a verilən məlumata görə, neft-qaz sektoruna yatırılmış investisiyaların həcmi 5,6 faiz, qeyri neft-qaz sektoruna yönəldilən vəsaitin həcmi 9,6 faiz azalıb.
İstifadə olunmuş vəsaitin 10 milyard 536,7 milyon manatı və ya 65,3 faizi məhsul istehsalı sahələrinə, 4 milyard 560,8 milyon manatı (28,3 faizi) xidmət sahələrinə, 1029,5 milyon manatı (6,4 faizi) isə yaşayış evlərinin tikintisinə sərf olunub.
Əsas kapitala yönəldilmiş vəsaitlərin 11 milyard 794,3 milyon manatını və ya 73,1 faizini daxili vəsaitlər təşkil edib. Əsas kapitala yönəldilmiş vəsaitlərin 11 milyard 015,7 milyon manatı və ya 68,3 faizi bilavasitə tikinti-quraşdırma işlərinin yerinə yetirilməsinə sərf olunub.
Əsas kapitala yönəldilmiş vəsaitin ümumi dəyərində müəssisə və təşkilatların vəsaitləri 54,7 faiz, büdcə vəsaitləri 25,7 faiz, sair vəsaitlər 7,5 faiz, bank kreditləri 6,1 faiz, əhalinin şəxsi vəsaitləri isə 6,0 faiz təşkil edib.
Digər Xəbərlər

Pensiya alanlara şad xəbər

Azərbaycan nefti bahalaşdı

Ağdamda lift və eskalator istehsalı müəssisəsi yaradılacaq

Sabit aylıq tarif nə qədər olacaq? - Nazir müavini açıqladı

Azərbaycanda yeni cərimələr müəyyən edilir

Kazino oyunlarının təşkili üçün 340 min manat dövlət rüsumu ödəniləcək

Kazino oyunlarının təşkilatçılarına dair qayda müəyyənləşir
