Son sərhəd döyüşləri fonunda Pakistan və Əfqanıstan 48 saatlıq müvəqqəti atəşkəsə razılaşıblar. 

Adalet.az xəbər verir ki, bu  barədə Pakistan mediası mılumat dərc edib. 

"Taliban hərəkatının tələbi ilə bu gün axşam saat 6-dan etibarən Pakistan hökuməti ilə Əfqanıstan Taliban rejimi arasında hər iki tərəfin qarşılıqlı razılığı ilə növbəti 48 saat müddətində müvəqqəti atəşkəs elan edilib", - məlumatda qeyd olunub. 

***

Pakistan ordusu Hayber-Paxtunxva əyalətindəki Kurram agentliyində Pakistan nəzarət-buraxılış məntəqələrinə hücuma cavab olaraq Əfqanıstandakı terrorçuların mövqelərinə hücum edib.

Adalet.az xəbər verir ki, bu barədə "Tolo News" Pakistan silahlı qüvvələrinə istinadən məlumat yayıb. 

Nəşrin məlumatına görə, qarşıdurmalar təxminən bir saat əvvəl başlayıb. Şahidlər hər iki tərəfin yüngül və ağır silahlardan istifadə etdiyini bildiriblər. Sərhəd yaxınlığında atəş səsləri eşidilib.

Hazırda bu döyüşdə itkilər və ya mümkün dağıntılar barədə dəqiq məlumat yoxdur.