Polşa Daxili İşlər və Administrasiya Nazirliyinin sözçüsü Karolina Qaletska bildirib ki, polis Polşanın Baş naziri Donald Tuska və Baş nazirin müavini və milli müdafiə naziri Vladislav Kosiniak-Kamışa mümkün hücum barədə məlumat alıb.

Adalet.az xarici mətbuata istinadən xəbər verir ki, Qaletska təhlükəsizlik qüvvələrinə tədbir görmək tapşırığının verildiyini vurğulayıb. 

Hökumət sözçüsü Adam Şlapka məsələnin ciddi olduğunu və Baş nazir Tuska təhlükə barədə yerli vaxtla səhər saat 7:00 radələrində məlumat verildiyini bildirib.

Şlapka Tuskun paytaxt Varşavada olduğunu və rəsmi vəzifələrini yerinə yetirdiyini bildirib və əlavə edib ki, təhlükəsizlik qüvvələri məsələ ilə bağlı araşdırmalarını davam etdirir.

Tusk isə sosial media paylaşımında sui-qəsd təhdidi edən şəxsin saxlanıldığını bildirib və polis əməkdaşlarına çevik və qətiyyətli reaksiyalarına görə təşəkkür edib.

Polşa mediası Tusk və Kosiniak-Kamışa qarşı təhdidin elektron poçt vasitəsilə göndərildiyini bildirib.