Gömrük-sərhəd buraxılış məntəqələrində çıxışda canlı növbədə olan yük nəqliyyat vasitələrinin sayı açıqlanıb.

Adalet.az Azərbaycan Yerüstü Nəqliyyat Agentliyinə istinadən xəbər verir ki, Gürcüstanla sərhəddə yerləşən “Qırmızı Körpü” gömrük postunda hazırda 1030 yük nəqliyyat vasitəsi çıxışda gözləyir. “Mazımqara” gömrük postunda isə gözləyən yük nəqliyyat vasitəsi yoxdur.

İran İslam Respublikası ilə sərhəddə yerləşən “Astara” gömrük postunda 37 nəqliyyat vasitəsi növbədədir.

Azərbaycanın Rusiya ilə sərhədində yerləşən “Samur” gömrük postunda isə 47 yük maşını növbədə gözləyir.