Biz dəfələrlə Yeni Günəşlidən    metronun" Həzi Aslanov" stansiyasına hərəkət  edən 104 nömrəli marşrutdakı köhnə avtobuslarla bağlı tənqidi yazılar qələmə almışıq. Və qeydə etmişdi ki, bu avtobuslar fiziki və mənəvi cəhətdən köhnəlib, istismar müddətini başa çatdırıb.

Üstəlik də , sərnişinlər bu avtobusların köhnəliyindən çox narazılıq edirdilər. Nə yaxşı ki, iradlarımız nəzərə alındı və bir həftədən çoxdur ki, həmin marşrutun sahibi müasir və yeni avtobuslar gətirərək onları xəttə buraxıb. Bu isə sərnişinlərin ürəyincə olub və   camaatı sevindirib. Heç şübhəsiz ki, payız və qıs mövsümdə müasir, rahat avtobuslarda mənzil başına sərnişinlər daha rahat və təhlükəsiz  çatacaqlar.

Amma Günəşliyə işləyən iki marşrut- 50 və 36 nömrəli avtobuslar  hələ də köhnədir. 104 nömrəli marşrutun " sağ əli" adını çəkdiyimiz  marşrutların" başına"! Hər halda , bu köhnə marşrutların sahibləri  də hərəkətə gəlib, yeni avtobuslar alaraq xəttə buraxırlar. İnşallah, gözləyək , görək nə olur!

Emil Faiqoğlu