Hər bir sürücü avtomobili idarə edərkən son dərəcə diqqətli olmalıdır ki, yol- nəqliyyat hadisəsi baş verməsin. Amma bir çox halda bu, belə olmur və sürücü diqqətsizliyi üzündən  qəzalar qaçılmaz olur! Məsələn, sentyabrın 28- də sürücü " Fatimeyi - Zəhra" məscidinin həyətinə daxil olarkən  əyləci basmaq əvəzinə , qazı basıb. Və nəticədə avtomobil yüksək sürətlə hasar çırpılıb.Həmin hasarın  üz örtüyü dağılıb.

Təxminən iki- üç metr daş divara ziyan dəyib,maşınında divara dəyən qabaq hissəsi deyilənə görə, çox əzilib. Əgər məsciddəki kameralara baxılsa , hadisəni hansı sürücü, hansı dövlət nömrəli avtomobillə törətdiyi aydın olar. Aydın olmayan odur ki, qəza ilə bağlı məscid rəhbərliyi polisə məlumat verməyib.Nə görə belə ediblər, ancaq bunu başa düşmək olmur.Hadisə yerindən şəkildə çəkmişik.

Bu görüntüdə hər şey aydınlaşır. Ona görə, də Bakı Şəhər Dövlət Yol Polisi İdarəsindən xahiş edirik ki, divarı dağıdan məsuliyyətsiz sürücünü kamera vasitəsilə aşkar etsin. Çünki o divarın yanında insanlar da ola bilərdi. Bəs onda avtomobil piyadaları vursaydı, onda nə olardı? Hər halda, belə sürücülər məsuliyyətə cəlb edilməlidir ki,  başqalarına da  ibrət olar!

Emil Faiqoğlu