İnsanlar hər hansı təhlükəni hiss edəndə uzun müddət onun təsirindən xilas ola bilmir! Çünki artıq adamların beynində belə bir düşüncə qalıb ki, bunu etsəm, mütləq ziyan görəcəyəm.

İndi də iribuynuzlu heyvanlar arasında yayılmış dabaq xəstəliyi birmənalı olaraq camaat arasında böyük təşviş yaradıb. Təbii ki, bunun da obyektiv və subyektiv səbəbləri var! Amma gəlin , onunla razılaşaq ki, bir çoxları yaranmış vəziyyətdən sui- istifadə edir.Məsələn , indi ölkəmizə Monqolustandan və digər ölkələrdən  mal əti idxal olunur. Mütəxəssislər də bildirir ki, həmin ölkədən məmləkətimizə idxal olunan ət və ət məhsulları bir o qədər də keyfiyyətli deyildir. Sadəcə olaraq ölkəmizdə mal əti ilə bağlı problem bəzi iş adamlarına münbit şərait yaradılıb.

Və bir də bir çox sahədə olduğu kimi, xaricdən gətirilən ət sahəsində də monopoliya mövcuddur. Bu isə ətin qiymətinin bahalaşmasına səbəb olur.Mal əti satan bir qəssabdan soruşdum ki, dabaq xəstəliyi ilə bağlı sizin kəsdiyiniz heyvanların ətini nəzarətedici orqanlar yoxlayırmı? Qəssab sualımıza cavab verərək dedi ki, onlar əti yoxlamağa yox, bizdən pul almağa gəlirlər. Biz iki min manat verib, dana alıb gətiririk.

Başımıza at təpib ki, bir ətək pul xərcləyib,dabaq heyvan alaq! Bir də qorxan gözə çöp düşər! Kəsib satdığımız ət çiçək kimidi, özümüz də bu ətdən yeyirik! Qəssabın səmimiyyətinə inanıb, ondan 4 kilo ət aldı. Çünki mən əti həmişə bu adamdan alıram!!!

Emil Faiqoğlu