Bu marşrutda işləyən avtobuslarda  bir qayda olaraq hər addımbaşı qanun pozuntusuna rast gəlmək olar! Birincisi, əksər marşrutlar kart sisteminə kiçsə  də bu avtobuslarda hələ  də sərnişinlər pul bağdı yolla ödəyir. Yəni köhnə hamam, köhnə yaşıdır və kart sisteminə keçilməyib.

Bununla yanaş, ən böyük nöqsan avtobuslar arasında olan intervalın çoxluğudur. Dayanacaqda avtobusları gözləyən sərnişinlər ən azı  15- 20 dəqiqə   və daha artıq vaxt itirməlidir.

Təbii ki bu da, həmin marşrutdan istifadə edən insanların haqlı narazılığına səbəb olur. Hələ  biz sürücülərin mobil telefonla  danışmağını demirik. Avtobus sürücüləri Köhnə Günəşlidən Yeni Günəşliyi keçəndə nəqliyyat vasitəsini yüksək sürətlə idarə edirlər.

Allah eləməmiş, həmin vaxt piyada yol keçsə, yaxud texniki nasazlıq yaransa , ağır qəza qaçılmaz olar. Sözümüzün canı ondan ibarətdir ki, bu marşrutda hərəkət edən avtobusaların hamısı fiziki və mənəvi cəhətdən köhnəlib .

Onlar xətdən çıxarılıb daha müasir və yeni avtobuslarla əvəzlənməlidir! Heç şübhəsiz ki, bunları bu marşrutun sahibi etməlidir.Əgər etmirsə, Yerüstü Nəqliyyat Agentliyi marşrutu həmin sahibkardan alıb, başqa bir  iş adamına verməlidir. Yoxsa , nə vaxta qədər Yeni Günəşli camaat  36 nömrəli marşrutdan narazılıq edəcək???

Emil Faiqoğlu