Rusiya Qarabağı rəsmən Azərbaycan ərazisi kimi tanıyır.

Adalet.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

"Rusiya bu bölgəni rəsmən Azərbaycan ərazisi kimi tanıyır. Medinski tarixi aspektindən, sosial-mədəni xüsusiyyətlərindən və xalqın dərdindən danışıb", - o qeyd edib.

Qeyd edək ki, Vladimir Medinski “Russia Today” kanalına müsahibəsində Qarabağı mübahisəli ərazi kimi təqdim edərək “Əgər biz cəbhə xəttində münaqişəni dayandırsaq və real sülhə razı olmasaq, sadəcə olaraq hansısa atəşkəs bağlasaq, o zaman vəziyyət bir vaxtlar Ermənistanla Azərbaycan arasındakı mübahisəli bölgə olan Qarabağı xatırladacaq. Əgər real sülh olmasa, o zaman bu bölgə (Rusiyanın yeni əraziləri-red.) “nəhəng Qarabağa” çevriləcək”, - demişdi.