28 Noyabr 2022 11:32
883
MƏMLƏKƏT

Saxla, dincəl!

Respublika əhəmiyyətli avtomobil yollarının kənarında xeyli müddətdir ki, xüsusi dayanacaqlar tikilib. Bu da ona görə inşa edilib ki, hər hansı sürücü yorularkən avtomobili saxlasın və orda dincəlsin. Digər avtomobil yolları kimi Bakı-Astara yolunda da bu cür dayanacaq inşa edilib. Hətta orda yazılıb: «Saxla, dincəl!». Təəssüf ki, həmin yerə giriş yoxdu və bağlıdı! Belə də olanda bu addım təhlükəsizlikdən çox hər hansı sürücüdə qıcıq yaradır. Əgər ora bağlıdırsa və fəaliyyət göstərmirsə, onda zəhmət çəkib «Saxla, dincəl» sözlərini ordan götürsünlər! Bunu hansı qurum və hansı təşkilat yaradıbsa, onlar da tezliklə bu yerlərin istifadəyə verilməsini təmin etməlidir. Yoxsa görüntü yaratmağın heç bir mənası yoxdur.

Belə baxanda əgər həmin dayanacaqlar istifadəyə verilsə, sükan arxasında yuxulayan və yorulan sürücülərin dincəlməsi üçün çox yaxşı şərait yaranmış olar. Təəssüf ki, bu şərait olsa belə hələ də respublika əhəmiyyətli yollarda bu cür dayanacaqlar istifadəyə verilmir və sürücülər ora baxa-baxa gedirlər! Nə vaxta qədər baxa-baxa gedəcəklər, onu bilmirik!

Emil FAİQOĞLU