adalet.az header logo
  • Bakı 9°C
  • USD 1.7
15 Avqust 2022 14:38
486
İDMAN

SƏBAİL STADİONU BELƏ KEF ELƏMƏMİŞDİ 

Bayılın düz ortasında yerləşən bu stadionda  bir neçə dəfə olmuşam. Uzağı 300-400  adam olar, onlar da əsasən  qonaq  komandanın  azarkeşləridir. «Səbail» azarkeşlərinin  100-ü keçdiyini  görməmişəm. Bu fanklubu da yəqin ki, komanda özü yaradıb. Stadion düz mərkəzdə yerləşir, hər tərəfi də həyət evidi, yəni əhali yaşayır. Həyətindən  sıçrasa meydançanın  ortasına düşər.  Amma komandalarını  dəstəkləməyə gəlmirlər. Ona görə ki, komanda  süni yaradılıb. Nə isə…

Amma «Turan» Tovuzla oyunda stadionda demək olar ki, boş yer yox idi. Stadion yaranan gündən  belə xoşbəxt olmamışdı, belə kef görməmişdi. Stadion sevincindən ağlayırdı. Stadionu dolduran «Səbail»in azarkeşləri  deyildi, Bakıda yaşayan tovuzlular idi, bir də Tovuzdan 400 kilometrlik  yolu bu istidə basa-basa gələn azarkeşlər.  Sağ olsunlar, komandalarına  yaxşı dəstək oldular axıra qədər. «Turan» layiqli qələbə qazandı, həm Tovuz camaatını sevindirdi, həm də futbolsevərləri.

AFFA, indi gördünmü region komandası nə deməkdir? «Turan»a uğurlar  arzulayırıq.  Ayxan Abbasov çox qısa zamanda yaxşı bir  komanda formalaşdıra bilib. Necə ki «Sumqayıt»da da formalaşdıra bilmişdi.

Çörəyi ver çörəkçiyə, birini də üstəlik.