Müğənni - aparıcı Sərxan Kərəmoğlu  uzun zaman küsülü  olduğu müğənni Rəqsanə  İsmayılova ilə bağlı yaşadığı qalmaqaldan danışıb.

Adalet.az xəbər verir ki, iki həmkar arasında münasibətlər sabit qalsa da, barışıq yoxdur. Belə ki, S.Kərəmoğlu xanım həmkarı haqda olduqca kəskin fikirlər söyləyib:

“Mən nə Aysun haqda, nə də onun ilk həyat yoldaşı haqda pis fikir  söyləməmişdim. Sadəcə dedim ki, Aysunu çox istəyirəm, o oğlana da, ailəsinə də hörmətim var. Ancaq ailə başçısı kimi ona güvənmirəm. Rəqsanə bu sözümə görə mənə düşmən oldu.Adımdan yalan da danışdılar ki, guya mən demişəm ki, o toy saxtadır. Mən elə söz deməmişəm. Sadəcə o oğlanın uğursuz həyat yoldaşı olacağını demişdim. Gördünüzmü, mən deyən oldumu?  Belə olan halda bilirsiniz nə deyirəm? Ondan da pis günə qalsın. Mən onu şərləmədim, pis söz demədim. Sadəcə zamanla reallığa çevrilən fikrimi söylədim.Məni xalqın gözündən salmaq istədi, dəvət aldığım toyları “burdu” , amma məqsədinə çatmadı. Toy sahibinə deyirmiş ki, o toyda Sərxan varsa, ora gəlmirəm. Toy sahibi də sağolsun, onu geri çevirib, məni orda saxlamışdı. Mən beləsini necə bağışlayım. Düşmən adamın çörəyin kəsər. Bu, dost, həmkar işi deyil, düşmən işidir”.

Əntiqə