Ölkədə müxtəlif dövlətlərin dini missionerləri at oynadır. Hərəsi də bir təriqətlə. «26-lar» filmində deyir ey, bir görün üstümüzə kimlər gəlir?  İndi görün  üstümüzə kimlər gəlir? Səudiyyə Ərəbistanı, İran, bir tərəfdən də gürcü menşevikləri, yəni  qardaş Türkiyə… Neçə təriqət at oynadır: sələfilər,  vəhhabilər, FETÖ-çular, nurçular və daha  kimlər.

Və çox qəribədir ki, bu təriqətlər bir məsələdə birləşir, birgə mübarizə aparırlar, o da  şiəliyə qarşı. Şiəliyə qarşı belə mübarizsiniz gedin İranda  mübarizə aparın da, hərçənd ki İranda şiəlik siyasətdi, apara bilməzsiniz.  Tutub qulağınızı kəsərlər.

Ən pis  hal odur ki, xalqın inandığı  bəzi ziyalılar da həmin təriqətlərin  üzvüdürlər və bir-birlərinə pas verirlər. Bununla da ölkədə əmin-amanlığı, asayişi pozmağa və xalqı  parçalamağa  çalışırlar.

Qardaşlar, demokratik ölkədir, din azaddır. Hansı  inancı daşıyırsan, özün bilərsən, istərsən lap yezidi  kürdlər kimi şeytana inan. Amma İmam Hüseyni sevənlərə qarşı düşmənçilik  etməyin. Özü də  elə bir  ölkədə ki əhalisinin  80 faizindən  çoxu  İmam Hüseyn  aşiqidi.

Bəli, İranın da Azərbaycanda  din tacirləri  çoxdu. Onların  məqsədi də İmam Hüseyn  sevgisi deyil, siyasi  şiəliyi  yaymaqdır. Belələriylə də mübarizə aparın, yoxsa nə düşmüsünüz şiəliyin  üstünə?