Azərbaycan Respublikasının Prezidenti İlham Əliyev Vyetnam Sosialist Respublikasının “Vietnam News Agency” agentliyinə müsahibə verib.

Dünyada bəzən belə anlar yaranır ki, mədəniyyətlər arasındakı uzaqlıq yox olur, xalqlar bir-birinə daha yaxınlaşır və söz yalnız fikrin ifadəsi deyil, həm də xalqlar arasında körpü rolunu oynayır. Azərbaycan Prezidenti İlham Əliyevlə Vyetnamın nüfuzlu jurnalisti arasında müsahibə də böyük maraq doğurdu. Bu görüş sadəcə sual-cavab mənası daşımadı , iki qədim xalq arasında anlayış və əməkdaşlığa əsaslanan yeni bir əlaqə yaratdı.. Müsahibə, dünya miqyasında mürəkkəb bir geosiyasi dövrdə baş tutdu və bu zaman Azərbaycanın balanslı və praqmatik siyasəti, dialoqa açıq mövqeyi və humanitar dəyərlərə verdiyi əhəmiyyət qlobal cəmiyyət tərəfindən yüksək qiymətləndirildi.

Prezident İlham Əliyev bu görüşdə təkcə Azərbaycanın strateji məqsədlərindən danışmadı, həm də sülhün vacibliyini, xalqlar arasında anlayışın dəyərini və mədəniyyətlərarası dialoqun əhəmiyyətini vurğuladı. Onun sözləri yalnız diplomatik cümlələrdən ibarət deyildi; bu, qlobal çağırışlara cavab verən bir liderin dərindən düşünülmüş yanaşması idi. Prezidentin sözlərində həm siyasi uzaqgörənlik, həm də insani səmimiyyət əks olunurdu. O, yalnız dövlət başçısı kimi deyil, eyni zamanda xalqının tarixi və ruhunu ifadə edən bir şəxsiyyət kimi çıxış edirdi. Onun fikirləri müxtəlif ölkələrə və mədəniyyətlərə birgə gələcəyə dair bir çağırış idi.

Bu müsahibə, Prezident İlham Əliyevin Azərbaycanın beynəlxalq aləmdəki mövqeyini, eləcə də ölkənin humanitar və mədəni sahələrdəki prinsipial yanaşmalarını aydın şəkildə göstərdi. Eyni zamanda, Azərbaycanın dünya ilə dialoq qurmağa sadiq olan bir millət olduğunu ifadə edən bir çıxış idi. Görüşdə Prezident İlham Əliyev Vyetnamın nüfuzlu jurnalisti ilə Azərbaycanın Asiya ölkələri ilə əməkdaşlıq məsələlərinə xüsusi diqqət ayırdı. Prezident, Azərbaycanın Avropa və Asiyanı birləşdirən mühüm nəqliyyat və logistika mərkəzi kimi rolunu vurğuladı. Bu, regionun iqtisadi və geosiyasi əlaqələrinin güclənməsində önəmli əhəmiyyət kəsb edir. Xüsusilə, Bakı-Tbilisi-Qars dəmir yolu və Zəngəzur dəhlizi kimi layihələr Azərbaycanın bu sahədəki mövqeyini daha da möhkəmləndirir. Bu nəqliyyat dəhlizləri təkcə iqtisadi deyil, həm də mədəni və geosiyasi əlaqələri dərinləşdirir.

Prezident İlham Əliyev həmçinin Azərbaycanın Cənub-Şərqi Asiya ölkələri ilə əlaqələri daha da inkişaf etdirmək istədiyini bildirdi və bunun humanitar sahədəki potensialı da əhatə etdiyini qeyd etdi. Azərbaycanın Qoşulmama Hərəkatı, BMT və Türk Dövlətləri Təşkilatında fəal iştirakının bu məqsədlərə xidmət etdiyini də vurğuladı. Prezidentin humanitar məsələlərə verdiyi dəyər idə müsahibədə vurğulandı. Azərbaycanın ev sahibliyi etdiyi Beynəlxalq Humanitar Forumlar və Mədəniyyətlərarası Dialoq Forumu kimi tədbirlər dünya səviyyəsində qarşılıqlı anlaşmanı möhkəmləndirmək üçün real töhfələr verdiyi bildirildi. Prezident İlham Əliyev, sülhün yalnız iqtisadi güc və siyasi iradə ilə deyil, həm də mədəni körpülərlə mümkün olduğunu ifadə edərək bu yanaşmanın Azərbaycanın xarici siyasətinin əsasını təşkil etdiyini vurğuladı.

O, həmçinin Vyetnamın müstəqillik uğrunda apardığı mübarizəni və Azərbaycanla ortaq məqamlarını yüksək qiymətləndirdi. Bu paralellər əsasında Prezident İlham Əliyev Vyetnam ilə Azərbaycanın dostluq əlaqələrinin daha da dərinləşəcəyinə inamını ifadə etdi. O, həmçinin Vyetnamın müstəqillik uğrunda apardığı mübarizəni və Azərbaycanla ortaq məqamlarını yüksək qiymətləndirdi. Bu paralellər əsasında Prezident İlham Əliyev Vyetnam ilə Azərbaycanın dostluq əlaqələrinin daha da dərinləşəcəyinə inamını ifadə etdi. Müsahibə, yalnız diplomatik bir hadisə deyil, həm də xalqlar arasında qarşılıqlı anlayış və mədəni bağların gücləndirilməsi məqsədini daşıyan bir görüş oldu.

Prezident İlham Əliyev bildirdi ki,ölkələrimiz arasında əlaqələrin möhkəmləndirilməsinin əsas perspektivli istiqamətlərindən biri turizmdir. Bakı ilə Vyetnam şəhərləri arasında birbaşa hava əlaqəsinin yaradılması turizm proqramlarının inkişafı ilə paralel surətdə iki ölkənin vətəndaşlarının bir-birinin mədəniyyətinə və tarixinə marağının artmasına kömək edəcək. Müştərək mədəniyyət layihələrinin intensivləşdirilməsi, səhiyyə və ekologiya sahələrində humanitar missiyalarla bağlı proqramların və birgə təşəbbüslərin inkişafı - bütün bunlar ölkələrimiz üçün qarşılıqlı maraq doğuran istiqamətlərdir.

Əlbəttə, təhsil sahəsi. Həmişə olduğu kimi, Vyetnamdan tələbələrin gəlmələrinə şad olacağıq. Onlar Qoşulmama Hərəkatına üzv ölkələrin vətəndaşları üçün Azərbaycanın təklif etdiyi qrantlar və təqaüdlər çərçivəsində təhsil proqramlarından istifadə edə bilərlər. Bu, akademik mübadilə, elmi tədqiqatlar və Azərbaycanla Vyetnam arasında şəxsi təmasların möhkəmləndirilməsi üzrə imkanları yaxşılaşdıracaq.

Mübadilə proqramlarının reallaşdırılması, həmçinin elmi-texniki sahədə əməkdaşlıq ikitərəfli münasibətlərin inkişafı üçün daha bir perspektivli istiqamətə çevrilə bilər.

Gülxarə Əhmədova ,Naxçıvan Muxtar Respublikası Ali Məclisinin deputatı