Dünya Qarabağlı: Ana nəsihəti

Boylanıb sağına,baxıb soluna,
Can verən bir ana dedi oğluna,
Söykənmə ağaca,çürüyər bir gün.
Güvənmə dağlara,əriyər bir gün.
İnsanlar sinənə çəkər dağ-düyün.
Güvən Allahına,o görər səni.
O qovar başından dumanı-çəni.
******
Pay böləndə haqq ilə böl özünə.
Haqq ilə böl sən oğluna-qızına.
Oğul da özünədi,qız da özünə.
Güvən Allahına,o görər səni.
O qovar başından dumanı-çəni.
******
Yaxşı ol ki,işıqlı olsun sabahın.
Yaxşı ol ki,qoy olmasın günahın.
Yaxşı ol ki,Allah olsun pənahın.
Güvən Allahına,o görər səni.
O qovar başından dumanı-çəni.
******
Lazım gəlsə kömək eylə birinə,
Dövlət yığma övladının yerinə,
Zaman gələr,işin düşər dərinə,
Güvən Allahına,o görər səni.
O qovar başından dumanı-çəni.
******
Şeirin müəllifi:Dünya Qarabağlı-Texniki Universitetin İqtisadiyyat və idarəetmə fakültəsinin tələbəsi.
Digər Xəbərlər

Fikrət Qocanın 90 illiyi qeyd ediləcək - SƏRƏNCAM

Azərbaycan Universitetində tanınmış qələm sahibləri ilə görüş - FOTOLAR

Müəllim qəlbində ümummilli lider Heydər Əliyevin işıqlı xatirəsi...

Surxay Qurbanov – Ağdamın Makarenkosu Yaddaşlarda yaşamaq haqqı qazanmış ziyalı - döyüşçü VİDEO-FOTO

Zərdab və Həsən bəy Zərdabi haqqında - Adil Misirli yazır

Əlabbasın ‘Köhnə Kişi’ Povestinin Bəzi Linqvistik və Üslub Özəllikləri - Nazim Muradov yazır

ELXAN CALALOĞLUNUN ŞEİRLƏRİ
