Dünyada ən çətin işlərdən biri bəlkə də  yolları süpürməkdir!  

Bu işlər isə  Kommunal Təsərrüfat Birliyinin əməkdaşları icra edirlər. Bakıda bu tapşırılan işləri görmək ikiqat əziyyətdir.Sosial şəbəkədə bir təmizlik əməkdaşının çıxışını dinlədim. Həmin qadın deyirdi ki, rəisimiz bizim maaşımızı kəsir, mükafatımızı mənimsəyir.

Hər gün səhər saat 4- də küçələri süpürürük,Qışda soyuqdan donur, yayda istidən bişirik, amma rəisimiz  bunun fərqində deyil. Birimizi də maşın vuranda deyirlər ki, tez onun əynindən sarı jileti çıxarın.Guya işbaşında yox , yolu keçərkən maşın vurub. Göründüyü kimi, süpürgəçilər heç də rahat həyat yaşamır.Yəni onların yollarda  səhər saatlarında  təmizlik işləri aparması həyatları bahasına başa gəlir.

Mənzil Kommunal Təsərrüfatı Birliyinin rəislərini isə bu sadə insanların həyatı qətiyyən maraqlandırmır, əksinə vəzifəli şəxslər belələrinin qəpik-quruşlarına göz dikirlər! Bəs bu nə vaxta qədər belə olacaq?!

Emil Faiqoğlu