Biz bir əlik,bir əldə beş barmağıq.

Bir-birinə həm köməyik,həm dağıq.

Vətən üçün işıq salan çırağıq.

Həmrəylik günümüz mübarək olsun !

******

Biz hər zaman həm qardaşıq,bacıyıq.

Biz birlikdə düşmənlərə acıyıq.

Vətən bizim,biz vətənin tacıyıq.

Həmrəylik günümüz mübarək olsun !

******

Harda olsaq biz köməyə gəlirik.

Bir deyirik,bir danışıb,gülürük.

Bu birliyi biz həmrəylik bilirik.

Həmrəylik günümüz mübarək olsun !

******

Qol çirməyib,birgə girdik meydana.

Bu birlikdən işıq düşdü cahana.

Az qaldı ki,düşmən alışa,yana.

Həmrəylik günümüz mübarək olsun !

******

Bu birliklə vətən dardan qurtardı.

Biz olmasaq,inan vətən batardı.

Yurdumuzda artıq indi bahardı.

Həmrəyik,günümüz mübarək olsun !

******

Şeirin müəllifi:Dünya Qarabağlı-Texniki Universitetin İqtisadiyyat və İdarəetmə fakültəsinin tələbəsi.