Özəl televiziya kanalları bu gün ən çox  sənətkarları deyil, toy müğənnilərini  təbliğ edir.  Onlar pula görə, Azərbaycan mədəniyyətini məhv etməyə belə hazırdılar.

Bir neçə gün bundan əvvəl Xəzər TV- də efirə gedən " Həmin Zaur" verilşində  Şəbnəm Tovuzlu şəkilləri  göstərilən Fikrət Əmirovu,  Musa Yaqubu,  Dədə Süleymanı, Sabir Mirzəyevi tanımadı.  Və özünün bir daha savadsızlığın  göstərdi. Orta məktəbi bitirib və ali təhsili olmayan toy müğənnisindən  elə bunu da gözləmək olardı. Oxuyanda qışqıran, danışanda heç kimə aman verməyən  Şəbnəm Tovuzlu kimi toy müğənnilərini  pul hesabına  reklam edənlər, klassik sənətkarlarımızı gözdən salırlar. Nədənsə, əfsuslar olsun ki, özəl televiziya kanalları belə bir yol tutub.

İki gündən bir( bəzən hər gün)  efirə çıxarılan və meydan sulayan  Şəbnəm Tovuzluya deyən yoxdur ki, heç olmasa, başqa savadın olmasa da musiqi savadını artır. Ağzını açan kimi evlərinin sayından, atasına maşın bağışlanmasından  danışır. Heç dünyaşöhrətli sənətkar Zeynəb Xanlarova bir dəfə olsun belə evindən, maşınından və var- dövlətindən danışmadı. Və ona  görə də o, Zeynəb Xanlarovadır, bu da Şəbnəm Tovuzlu!!!

Emil Faiqoğlu