Deyirlər, çörək " Quran" dan  irəlidir! Amma bu fikirlə də razılaşmaq olmaz.

An azından ona görə ki, çörək də , müqəddəsdir, " Quran" da. Deməli, hər ikisi bizim üçün doğmadır və biri o birindən  üstün deyil. İndi keçək əsas məsələyə. Yəni çörəyə münasibətə! Çörək yerə düşəndə  onu öpüb, gözümüzün üstünə qoymuşuq. İkinci Dünya müharibəsində bir parça çörəyə görə, milyonlarla insan açından ölüb.

Amma bu çoxlarına dərs olmayıb. Çünki bu gün tonlarla çörək zibil qutularının yanına atılır, ya da " selefon"  torbalara yığılıb hara gəldi atılır! Əksər insanlar bu gün çörəkdən qənaətlə istifadə etmirlər.

Gedin, zibil qutularının yanına baxın görün nə qədər çörək atılıb.  Vallah, belə adamlara çörək gec- tez qənim olacaq! Qardaşlar, Allahdan qorxun və çörəyə belə pis münasibət bəsləməyin! Axı, onun bir tikəsi üçün bu gün müharibə gedən ölkələrdə açından ölən insanlar var!  Ona görə də , gəlin, çörəyi öpək və gözümüz üstündə saxlayaq!

Emil Faiqoğlu