Dostum  və tanınmış jurnalist Lətif Novruzovla  fevralın 7- də  soyuqlu  və  küləkli havada  mobil telefonla  danışdım.

Çoxdandır hal - əhval yutmurduq və axır ki, o soyuq ğündə  söhbətimiz alındı. Dedi ki, yaxşı xaş havasıdı, ha, bəlkə görüşüb gedək  xaşxanaya! Sonra da fikirini davam etdirərək  bildirdi ki, sən də tərs kimi xaş yeyən deyilsən. Gərək onda Asif Talıboğlu ilə Daşdəmir Əjdəroğlunu tapaq, bax onlar  xaşın dadını  yaxşı bilirlər. Bu soyuqda onları da  tapmaq  çətindir.  Dedim ki, Novruzov xaş qalsın başqa vaxta, indi Günəşlidə  küləkdən və soyuqdan evdən çölə çıxmaq mümkün deyil. Beləliklə, razılaşdıq ki, xaş yeməyimiz  qalır sonraya!  İndi xaşla bağlı  həkimlərin bəzi fikirlərini oxucularımızın diqqətinə  çatdırmaq istəyirik.

Bir çox həkimlər deyir ki,  xaşın insana xeyiri  var. Belə ki, xaş sümükləri möhkəmlədir, gün ərzində adamı tox saxlayır və ləzzət edir.Amma  tibb elmlər namizədi, kardioloq Rafiq Yusifli deyir ki,  xaş ürək- damar xəstələri üçün çox təhlükəlidir. Çünki bu yeməkdə. xolesterin həddındən artıq  çoxdur. Ona görə ki, xaşın tərkibindəki xolesterin ürək damarlarında tıxac yaradır və nəticədə damarlar tutulur.

Əgər hər gün uzun müddət xaş yeyən insanlar" anju"  olunsa, onların ürək damarlarının necə pis vəziyyətdə olduğu aydın görünəcək. Yəni məlum olacaq ki, çox damarını xolesterin tutub. Ona görə də insanların diqqətinə çatdırırıq ki,  xaş   yesələr də az istifadə etsinlər. Ürək - damar xəstələri, xüsusilə də ürəyində  açıq  əməliyyatlar aparılmış , stend qoyulmuş pasiyentlər xaş yeməsələr daha yaxşı olar.

 Rafiq həkimin sözünə qüvvət əgər sağlam  olmaq istəyirsinizsə və ürəyinizdə problem varsa,  özunüzü mütləq mənada  qorumalısınız. Tamahınızı saxlaya bilməsəniz, onda xaşdan az  yeməklə kifayətlənə  bilərsiniz!

Emil Faiqoğlu