Ölkəmizdə hava şəraiti tez- tez dəyişir. Çünki indi kiçik çillədi.. Sinoptiklər isə məmləkətimizdə fevralın 14- dən havanın dəyişəcəyini, yağış yağacağını, dağlıq rayonlarda isə qar olacağını öncədən  məlumat verib.

Ona görə də əlverişsiz hava şəraiti ilə əlaqədar  nəqliyyat vasitələrinin sürücüləri də   maarifləndirilib.

Baş Dövlət Yol Polisi İdarəsinin ictimaiyyətlə əlaqələr şöbəsinin inspektoru Elvin  Hacıyev   " Ədalət" in əməkdaşına bildirib  ki, belə yağışlı- yağmurlu havada  sürücülər daha diqqətli olmalı, şürət həddinə əməl etməli, magistral yolda  ara məsafəsi saxlamalı, manevr və ötmə əməliyyatını məsuliyyət yerinə yetirməli, qarlı havada, yollar buz bağlayanda təkərləri qış mövsümünə  uyğunlaşdırmalı, texniki cəhətdən nasaz avtomobilin sükanı arxasınada əyləşməməli, təcrübəsiz sürücülər həmin günlər nəqliyyat vasitələrini idarə etməkdən uzaq durmalıdırlar.

Heç kimə sirr deyil ki, əlverişsiz hava şəraitində yol- nəqliyyat hadisələrinin baş verməsi ehtimalı daha da artır.  Göründüyü kimi, sürücülər birmənalı olaraq  yol polisinin tövsiyələrinə əməl etməyə borcludurlar. Ən azından tövsiyələrə əməl etmək hər bir hərəkət iştirakçışının mənzil başına sağ - salamat çatması deməkdir.

Emil Faiqoğlu