Bu gün Bakıda bir- birindən gözəl parklar və xiyabanlar salınıb.  

İndi də belə müsir parklar inşa edilməkdədir. Belə gözəl parklardan biri də metronun " Azadlıq" stansiyasının yaxınlığında salınıb. Fevralın 14- də bir çıskin yağış yağdığı gündə yolum  o parkdan düşdü. Hava çox təmiz idi, belə gözəl havada parkda gəzmək adama ləzzət edirdi. Çünki burda çoxlu sayda  şam və digər ağaclar var. Elə havanı da gözəlləşdirən , oksigenlə zənginləşdirən bu ağaclar, bu yaşıllıqlardır. Parkda  müasir tələblərə cavab verən çoxlu oturacaqlar quraşdırılıb.Yağışla hava olsa da , burda çoxlu insan gözə dəyərdi. Hətta iki sevgili gənc- oğlan və qız yağışın yağmasına baxmayaraq, şirin söbət edirdilər.

Çiskin yağışsa, çox ləzzətlə yağırdı. Və mənim özum də bu təmiz havada , patkın içində 20 dəqiqə gəzdim. Yağışdan islansam da, amma  təmiz havadan ləzzət alırdım. Bir qədər hərəkət edəndən sonra  üfunət qoxusu  hiss etdim. Yaxınlaşıb gördüm ki, burda  bərbad gündə olan tualet var. Tualetin içi elə çirkab içindədir ki, ora hər adam girib təbii ehtiyacın ödəyə bilməz, ancaq naəlac qalıb girənlər də var.Görünür, park təmir ediləndə  tualeti yenidən tikmək və müasir üslubda inşa etmək işgörənlərin ya yadlarından çıxıb, ya da sonraya saxlayıblar. Bu gün gözəl parka xələl gətirən və onu gözdən salan həmin tualetdir.

Yaxınlıqda yaşayan sakinlərdən biri olan Novruz Əhmədov dedi ki, patkımız çox gözəldir, ancaq tualet qoxusundan  burda gəzə bilmirik. Ya bu tualeti təmiz saxlasınlar, ya da yenisini inşa etsinlər. Bax, onda burda dincəlməyin özgə ləzzəti var. Bax , bu parka xələl gətirən problem vaxtında aradan qaldırisa, insanların orda istirahətində heç bir əngəl yaranmaz!

Emil Faiqoğlu