Dekabr və yanvar ayları çox mülayim keçdi. Daha doğrusu, bu aylar qışdan çox yaza, payıza oxşadı.

Eyni zamanda havaların  soyuq olmaması kənd təsərrüfatına da ziyan  vurdu. Ona görədə taxıl sahələrində gəmiricilər, siçanlar, siçovullar çoxaldı və onlar başladılar taxılı yeməyə. Fermerlər də nə qədər dava- dərman eləsələr də , onların qarşısını ala bilmirdi. Amma elə ki, fevral ayında ölkə ərazisinə  fasiləsiz , intensiv qar yağdı, o fermerlərin çiçəyi çırtladı.

Yəni onların ümidi yenidən göyərdi. Hava qarlı, şaxtalı keçəndə  məhsul da bol olur.Qar Bakı sakinlərini də , xüsusən uşaqları çox sevindirdi.Çünki son illər fevralda  belə qar görməmişdilər. Qarın yağması havanı təmizlədi, tüğyan edən xəstəliyin qarşısını aldı. Amma fəsadsız da  ötüşmədi.

Belə ki, yolların buz bağlaması nəticəsində qəzalar oldu, 400- ə yaxın insan yıxılaraq  müxtəlif dərəcəli bədən xəsarətləri aldılar.Elə qarlı gündə mən də yıxıldım. Şükür Allaha , xəsarətim  ağır olmadı. Əsas məsələ odur ki, insanlar qarın yağmasından zövq aldılar və sevindilər. Axı, bir də qar ruzi-  bərəkətdir. Ruziniz bol olsun!

Emil Faiqoğlu