İsmayıllı rayonunun bir çox məhsulları ölkəmizdə məşhurdur.

İsmayıllı alması, İsmayıllı şoru, İsmayıllı yeməkləri... Bir sözlə, bu rayonun özünəməxsus bir gözəlliyi və özəlliyi var. Çox təəssüflə ki, İsmayıllının məhsulları adından sui- istifadə edilir.Bəziləri keyfiyyətsiz almanı və şoru  İsmayıllı məhsulu kimi satışa çıxarır, amma tanıyan adamlar o dəqiqə bilirlər ki , nə alma , nə də  şor İsmayıllının deyil, başqa rayonun məhsuludur.

Çünki adını çəkdiyimiz İsmayıllı məhsulları bir brenddir və brenddən də  başqaları istifadə edir, ancaq bir müddət keçəndə sonra ifşa olunurlar. Bax , Bakıda əksər marketlərdə və maqazalarda  İvanovka  şoru satılır. Bir kəndin elə bir imkanı yoxdur ki, ölkəni şorla təmin etsin. Görünür, yenə müyyən işbazlar  bu brend məhsuldan istifadə edir. Düzdür, elə market var ki, həqiqətən də  İvanovka şoru satır. Ancaq  bu ad altında istehlakçıları aldadan marketlər az deyil. Ona görə də əlaqədar qurumlar bu qanunsuzluğun qarşısını almalı, brend  adlardan istifadə edən fiziki, hüquqi, vəzifəli şəxsləri məsuliyyətə cəlb etməlidir!!!

Emil Faiqoğlu