Vallah, mənim Azərbaycan müəllimlərinə lap yazığım gelir. Yazıqlar yüz əzab əziyyətlə pul qazanır, onu da burunlarından tökürlər. Müəllimə bu qədər də əziyyət, istirab vermək olar? Allah and olsun ki, bu, ədalətsizlikdir.

Onlar diaqnostik qiymətləndirmədən keçiblər, sertifikasiya imtahanından keçiblər, müsahibədən keçiblər! Bəs eləmir? Görünür, kimlərsə müəllimlərə əziyyət verməkdən zövq alırlar! İndi də deyirlər ki , bəs müəllimlər yenə sertifikatsiya  imtahanından keçməlidir və bu proses beş ildən bir təkrar olunmalıdır. Yeni 2022- çi ildə sertifikasiya imtahanları verənlər 2027 - çi ildə yenidən imtahan verməlidir.

Axı onlar ötən imtahanlarda yüksək nəticə göstəriblər.Yenidən onların imtahan verməyə nə ehtiyac! Və bir də ötən illərdə  imtahandan "kəsilən" nə qədər müəllimlər oldu. Minlərlə müəllim işdən azad edildi. İmtahan həyəcanından, şəkər, ürək xəstəliyinə tutulanlar oldu.

Qoy o imtahanı bir dəfə də Elm və Təhsil Nazirliyinin  yüksək vəzifəli şəxslər versin! Onda bilərlər  ki, imtahan həyəcanı nə deməkdir! Düzdür, müəllimləri imtahandan keçirmək olar, tay beş ildən bir yox! Ən yaxşı halda on beş ildən bir! Və bu barədə ciddi düşünməyə böyük ehtiyac var!!!

Emil Faiqoğlu