Tailandın sabiq kraliçası, ölkənin ən uzun müddət hakimiyyətdə olmuş monarxı Bhumibol Adulyadejin həyat yoldaşı Sirikit 93 yaşında vəfat edib.

Adalet.az xəbər verir ki, bu barədə AFP məlumat yayıb.

Bildirilir ki, Sirikit gecə saatlarında dünyasını dəyişib.

Tailand kral ailəsi ölkədə son dərəcə hörmətlə qarşılanır. Onlar bir çoxları tərəfindən müqəddəs fiqurlar kimi qəbul edilir. Kral ailəsinin qızıl çərçivələrdəki portretləri ictimai məkanlarda və evlərdə geniş şəkildə nümayiş olunur.

66 illik evliliyi dövründə Sirikit həm zərif geyim tərzi, həm də qayğıkeş ana obrazı ilə tanınıb. Qərb mətbuatı onu tez-tez jurnalların üz qabığında dərc edib və ABŞ-nin keçmiş birinci xanımı Ceki Kennedi ilə müqayisə edib.