adalet.az header logo
  • Bakı 9°C
  • USD 1.7
20 Sentyabr 2022 13:17
679
MƏDƏNİYYƏT

Tanınmış şairin qazi nəvəsini işə götürmədilər

Şair Nüsrət Kəsəmənlinin  nəvəsi, 44 günlük Vətən müharibəsi qazisi  Cavidan Kəsəmənli Gənc Tamaşçılar Teatırının direktoru Naidə İsmayılzadənin onu işə götürməkdən imtina etdiyini bildirib.

Sosial şəbəkələrin gündəm mövzularından birinə çevrilən bu məsələ ilə bağlı aktyor Rəşat Kəsəmənli Adalet.az-a  danışıbAktyorun  sözlərinə  görə, onun qohumunu işə götürməmək üçün direktorun  heç bir əsaslı səbəbi yoxdur. “Direktor görüşdən imtina etməyib.  Bir neçə dəfə müraciətdən sonra,  nəhayət  Cavidanı qəbul edib. “Teatrda ştatda yer yoxdur. Yerimiz olanda mən sizi dəvət edəcəm. Müraciətinizi gələcəkdə müzakirə edərik” kimi fikirlər səsləndirib. Bu söhbətdən   10-15 gün sonra  3 nəfəri ştatla işə götürüb. Necə olur ki, bir nəfərə yer olmur, amma 3 nəfər işə götürlür?! Sizə xəbər edəcəyik, demişdilər.  Bəs işçi götürəndə  niyə xəbər etmədiniz?

Nəzərinizə çatdırım ki, Cavidan 3 medalla təltif olunmuş veterandır. O,  44 günlük vətən müharibəsində iştirak edib.  Bundan əlavə, bu insanın ixtisası aktyordur. Və ADMİU-nin  bakalavr pilləsini fərqlənmə dərəcəsi ilə bitirib. Həmin ali məktəbin magistratura pilləsini də bitirib. Aktyorluq yarışmasında 1-ci yerə layiq görülüb. 

O teatrda işləmək üçün başqa nə lazımdır? 

Cavidanın sənəti ilə bağlı əldə etdiyi uğurlar onun GTT-də aktyor kimi işləməsinə bəs etmir?

Cavidanın müraicətindən sonra  həmin teatra işə götürülən həmin  3 nəfər əsgərlikdən yayınmış insanlardı. Əsgərlikdən yayınmış adam hara, qazi hara…?

Səbəb nədir?

Niyə işə götürülmür? 

Düşünürəm ki, GTT-in direktoru  Naidə İsmayılzadə bu məsələyə əsaslı  bir açıqlama verəcək. 

Yer yoxdur bəhanəsini qəbul etmirik. Yer yoxdur deyib, ondan sonra 3nəfəri ştata götürmək  həqiqəti əks etdirmir”.

Əntiqə Kərimzadə