Ali təhsil müəssisələrinə, həmçinin tam (11 illik) və ümumi (9 illik) orta təhsil bazasında orta ixtisas təhsili müəssisələrinə ərizələrin qəbulu başa çatıb.

Adalet.az  xəbər verir ki, ərizə qəbulunda həm cari, həm də əvvəlki illərin məzunları iştirak edib.

Bildirilib ki, ümumilikdə, 133320 abituriyent qeydiyyatdan keçib.

Belə ki, Azərbaycan bölməsi üzrə ali təhsil müəssisələrinə sənəd qəbulu üçün 120572 nəfər, rus bölməsi üzə isə 12713 nəfər omaqla, 129574 nəfər müraciət edib. Kolleclərlə bağlı isə bu say (11 illik) Azərbaycan bölməsi üzrə 110286 rus bölməsi üzrə 10010 nəfər olmaqla, 120309 nəfər təşkil edir.

Qeyd edək ki, ali təhsil müəssisələrinə, həmçinin tam (11 illik) və ümumi (9 illik) orta təhsil bazasında orta ixtisas təhsili müəssisələrinə ərizələrin qəbulu 2026-cı il fevralın 18-də başlanıb.

9 illik orta təhsil bazasında orta ixtisas təhsili müəssisələrinə isə 27390 Azərbaycan bölməsi, 1393 rus bölməsi olmaqla 28790 abituriyent qeydiyyatdan keçib.