Tiflisdə aksiya: Parlamentin 48 otağı dağıdıldı
Gürcüstan parlamentinin qarşısındakı aqressiv etirazçılar binaya çöldən hücum edərək, pəncərələri sındırıb və 48 otağa ziyan vurublar.
Adalet.az Globalinfo.az-a istinadən xəbər verir ki, bunu Gürcüstan parlamentinin sədri Şalva Papuaşvili deyib.
“Bir gün əvvəl baş verən hücumda 48 iş otağının Çiçinadze və Rustaveli küçələri tərəfindəki pəncərələri qırılıb. Çiçinadze küçəsindən parlamentin mərkəzi binasının istilik və soyutma qurğuları dağıdılıb, təlim mərkəzinin anbarları və laboratoriyası zədələnib, parlamentin Çiçinadze küçəsinə baxan tərəfindəki yeməkxana tamamilə dağılıb”, – Papuaşvili bildirib.
O vurğulayıb ki, etirazçılar binanın fasadının işıqlandırma sisteminə ziyan vurub, naqilləri yandırıb, binanın sütunlarını işıqlandıran işıqları söküblər.
Qeyd edək ki, aksiyalar 28 noyabrda Baş nazir İrakli Kobaxidzenin AB-yə üzvlük danışıqlarının 2028-ci ilə qədər dayandırıldığını elan etməsindən sonra başlayıb. Artıq dördüncü gündür davam edən aksiyalarda polislə toqquşmalar olub, onlarla etirazçı saxlanılıb.
Digər Xəbərlər
20 Noyabr 2026 00:11
“İranla bağlı qərar qəbul etməyə tələsmirəm” - Tramp
19 Noyabr 2026 23:44
"Mənimlə danışmaq istəmirsən?" - Zelenski Putinə təklif irəli sürdü
19 Noyabr 2026 23:39
Növbəti danışıqlar bu ölkədə keçirilə bilər
19 Noyabr 2026 23:23
“Azərbaycanla sülh müqaviləsi bir neçə gün ərzində imzalana bilər” - Simonyan
19 Noyabr 2026 22:37
"Türkiyə dünya aviasiya tarixində pilotsuz döyüş təyyarəsi əldə edən ilk ölkə olub"
19 Noyabr 2026 22:00
Türkiyə dünya aviasiya tarixində ilkə imza atdı
19 Noyabr 2026 19:15
Rusiya müdafiə nazirinin keçmiş müavini həbs olundu
19 Noyabr 2026 19:09


Bakı -°C

