Elə yerlər var, onun mütləq  təmirə və yenidən düzəldilməsinə  böyük ehtiyac var.

Və həmin yerlər  vaxtında təmir edilməyəndə  bu, insanların  narazılıgina səbəb olur. Məsələn, Suraxanı rayonunun Yeni Günəşli yaşayış sahəsinin "D" massivində, konkret olaraq " Fatimeyi- Zəhra" məscidinin yanından keçən küçədə  səki var, ancaq  tam düzəldilməyib. Yəni həmin yerlər kələ- kötür olduğuna görə , piyadalar avtomobil yolunu çıxır və həmin yerlə hərəkət edirlər.

Bu isə onların həyatı üçün  böyük təhlükə yaradır. Başqa sözlə demiş olsaq, hər an yola çıxan piyadanı nəqliyyat vasitələri vura bilər.Təbii ki, bu mənzərəni  adiyyatı qurumlar görməmiş deyil. Sadəcə olaraq buna əhəmiyyət verən yoxdur.

Aydındır ki, belə vəziyyətin mövcud olması o qədər də xoşagələn deyildir.Biz bir daha ordakı vəziyyəti bu işə məsul olan qurumların yadına salıb, öz borcumuzdan  çıxdıq! İndi söz sahibi adiyyatı təşkilatlarındır. Gözləyək, görək nə olur!!!

Emil Faiqoğlu