Bakıda “Toyota Prius” “Kamaz”la toqquşub.

Adalet.az xəbər verir ki, qəza dünən Xəzər rayonunun Qala-Pirallahı yolu istiqamətində baş verib.
Belə ki, sürücü Anar Şirin oğlu Rzayev idarə etdiyi “Toyota Prius” markalı avtomobilin qabaq hissəsi ilə ehtiyatsızlıqdan yolun sağ kənarında dayanan Nurlan Xanəli oğlu Xalidova məxsus “Kamaz” markalı yük avtomobilinin arxa hissəsinə çırpılıb.
Şahidlərin verdiyi məlumata görə, Toyota Prius” markalı avtomobil arxa hissəsi daşla dolu “Kamaz” markalı yük maşını ilə toqquşaraq tanınmaz hala düşüb.

Məlumata əsasən, qorxunc qəzanın baş verməsinə səbəb “Prius” sürücüsünün yüksək sürət həddi ilə yolda ötməsi olub. Nəticədə yük maşınının altına girən avtomobilin üzərinə düşən daşlar “Prius”u əzik-əzik edib, hissələrə ayrılmış dəmir parçaları isə sürücünün başını, qolunu və ayağını bədənindən qoparıb. Faktla bağlı Xəzər RPİ-nin İŞ-də cinayət işi başlanıb, istintaq aparılır.

P.S. Dəhşətli avtomobil qəzasında həyatını itirən Anar Şirin oğlu Rzayev Ağdam rayonu Qərvənd kəndində anadan olub. Erməni işğalçılarının apardığı qanlı müharibə səbəbindən 1994-cü ildən ailəlikcə Bakıda yaşayırdılar. Anar ailəli idi, bir qızı vardı. Həyat yoldaşı bir gün əvvəl  xəstəliyi ilə əlaqədar  intihar etmişdi.

Əntiqə Rəşid